James Tolan, Caisleán Cnucha, á chur faoi bhrú ag Darragh Keogh, Ráth Eanaigh
Bhí oíche mhór i gCraobhchomórtas Peile Átha Cliath aréir, 5 Lúnasa, nuair a imríodh an dara babhta den Chraobh.
I nGrupa 1 bhí bua mór ag Ciceam Bhaile Munna ar Chumann an Chloigthí, Lusca. D’aimsigh siad 3-26 agus bhí tionchar mór ag Dean Rock agus ag Paddy Small ar chlár na scór. Fuair Cláirseacha Sceirí an ceann is fearr ar Thomás Dáibhís sa chluiche eile sa ghrúpa sin.
I nGrúpa 2 den Chraobh bhí buanna ag Na Fianna ar Sháirséalaigh Leamhcáin agus ag Naomh Jude ar Naomh Eoin, Baile an tSaoir. Chríochnaigh Aaron Byrne an cluiche le 1-07 do Na Fianna.
Fuair Cluain Tarbh an ceann is fearr ar Cholmcille Fhionnbhrú ar scór 3-12 go dtí 0-15 i nGrúpa 3 agus bhí bua tábhachtach ag Baile Buadáin Naomh Éanna ar Naomh Uinsionn sa chluiche eile. Chríochnaigh an cluiche sin ar scór 5-11 go dtí 1-17. Chríochnaigh Colm Basquel an cluiche le 2-03 do Bhaile Buadáin agus d’aimsigh Tomás Quinn 0-05 agus Diarmuid Connolly 0-04 do Naomh Uinsionn.
Fuair Cill Mochuda na Crócaigh an ceann is fearr ar Naomh Oilibhéir Pluincéad-Eoghan Rua agus fuair Ráth Eanaigh an ceann is fearr ar Chaisleán Cnucha i nGrúpa 4.
Tiocfaidh deireadh leis na grúpaí le linn deireadh seachtaine 15 Lúnasa agus beidh a fhios againn ag an bpointe sin cé a bheidh ag imirt i gcluichí ceathrú ceannais na Craoibhe.
I gCraobhchomórtas Iomána Cheatharlach aréir, bhí bua mór 15 cúilín ag Gascaigh Stua Laighean ar Bhaile an Choillín. Fuair Caisleán an Rathain an ceann is fearr ar Shearcóg i gCraobhchomórtas Peile an Chabháin, freisin. Chríochnaigh an cluiche sin ar scór 1-18 go dti 0-09.
Áth Cliath – Craobh Shinsir Peile 1
Ciceam Bhaile Munna 3-26 Cumann an Chloigthí, Lusca 1-10
Cláirseacha na Sceirí 3-07 Tomás Dáibhís 1-10
Na Fianna 1-23 Sáirséalaigh Leamhcáin 1-12
Naomh Jude 0-14 Naomh Eoin, Baile an tSaoir 0-08
Cluain Tarbh 3-12 Colmcille Fhionnbhrú 0-15
Baile Buadáin Naomh Éanna 5-11 Naomh Uinsionn 1-17
Ráth Eanaigh 0-16 Caisleán Cnucha 1-10
Cill Mochuda Na Crócaigh 3-19 Naomh Oilibhéir Pluincéad-Eoghan Rua 3-08
Ceatharlach – Craobh Shinsir Iomána
Gascaigh Stua Laighean 4-19 Baile an Choillín 0-16
An Cabhán – Craobh Shinsir Peile
Caisleán an Rathain 1-18 Searcóg 0-09
