Tá na cluichí ag teacht go tréan
Cuireadh tús le Craobhacha Sinsir Peile an Dúin agus Thír Eoghain aréir. D’éirigh le Cláirseacha Bhaile Uí Thuathaláin an ceann is fearr a fháil ar Naomh Mochaí, Crois Darach i gCill Chua ar scór 1-18 go dtí 1-07 agus d’éirigh leis Na Fianna, Oileán an Ghuail an ceann is fearr a fháil ar Chumann Uí Raithile, Cluain Eo ar scór 2-14 go dtí 1-14 in Éadan na dTorc, i gCraobh Thír Eoghain.
Beidh clár iomlán cluichí sa dá Chraobh Peile sin ar an deireadh seachtaine. Tá gach eolas le fáil faoi na cluichí sin anseo:
Oíche Dé Céadaoin, bhí buanna ag Cumann Ruairí Mhic Asmaint, Lámh Dhearg, Clann na hÉireann agus ag Naomh Muire, Achadh Ghallan i gCraobh Peile Aontroma.
Fuair Gaeil Thriúcha an ceann is fearr ar Inis Caoin agus fuair Baile na Lorgan an ceann is fearr ar Charraig Mhachaire Rois i gCraobh Iomána Mhuineacháin. Bhí buanna ag Port an Pheire agus ag Baile Crann i gCraobh Iomána an Dúin.
Torthaí lár na seachtaine:
An Dún – Craobh Shinsir Iomána
Port an Pheire 4-19 An Bhréadach 0-13
Baile Crann 0-24 Baile Mhic Galgail 2-12 (tar éis am breise)
Muineachán – Craobh Shinsir Iomána
Gaeil Thriúcha 1-18 v Inis Caoin 1-08
Baile na Lorgan 2-21 Carraig Mhachaire Rois 1-16
Aontroim – Craobh Shinsir Peile
Cumann Ruairí Mhic Asmaint 4-13 Naomh Muire, Achadh Eochaille 3-07
Lámh Dhearg 3-09 Naomh Eoin 0-09
Clann na hÉireann 2-18 Naomh Séamas 0-09
Naomh Muire, Achadh Ghallan 3-14 Naomh Bríd 0-11
An Dún – Craobh Shinsir Peile
Cláirseacha Bhaile Uí Thuathaláin 1-18 Naomh Mochaí, Crois Darach 1-07
Tír Eoghain – Craobh Shinsir Peile
Na Fianna, Oileán an Ghuail 2-14 Cumann Uí Raithile, Cluain Eo 1-14
