Mac agus athair i gcoimhlint lena chéile - Bainisteoir Bhaile Uí Laigheanáin, Mick Lillis, ag croitheadh láimhe lena mhac Kieran, Port Laoise
Cuireadh tús an athuair le Craobhchomórtais Peile Laoise agus Uíbh Fhailí aréir, 24 Lúnasa, agus tugadh féasta mór cúl dúinn sa dá chraobhchomórtas sin. 25 cúl ar fad a aimsíodh sna seacht gcluiche a imríodh sa dá chraobhchomórtas sin.
Seacht gcúl ar fad a d’aimsigh Cumann Uí Dhíomasaigh i gCraobh Laoise in aghaidh Choill na Cúirte. Ba iad Michael Finlay le trí cinn, Matthew Finlay le péire agus ceann an duine ó Mark Barry agus Dan McCormack a fuair na cúil do Chumann Uí Dhíomasaigh. Fuair Paul O’Flynn cúl do Choill na Cúire agus chríochnaigh Danny Luttrell le 0-08. An scór deiridh: 7-10 go dtí 1-16.
Fuair An Baile Fionn an ceann is fearr ar Ros Fhionnghlaise ar scór 3-10 go dtí 2-12 agus fuair Port Laoise an ceann is fearr ar Bhaile Uí Laigheanáin ar scór 1-08 go dtí 0-05 sa dá chluiche eile a imríodh i gCraobh Laoise.
Bhí buanna ag Éadan Doire ar Na Seamróga, ag an bhFéar Bán ar Bhreacánach, ag Clóirtheach ar Cheapach an Churraigh agus ag Ród ar An Tulach Mhór i gCraobh Uíbh Fhailí.
Fuair Droichead Mhaigh Eo an ceann is fearr ar Chumann Sheáin Uí Mháirtín, An Gleann, i gCraobhchomórtas Peile an Dúin. Sin an chéad bhua ag muintir Dhroichead Mhaigh Eo sa chraobh i mbliana tar éis dóibh an chéad chluiche craoibhe a chailleadh in aghaidh Chill Chua.
Torthaí Peile na hOíche Aréir
Laois – Craobh Shinsir Peile
Cumann Uí Dhíomasaigh 7-11 Coill na Cúirte 1-17
An Baile Fionn 3-10 Ros Fhionnghlaise 2-12
Port Laoise 1-08 Baile Uí Laigheanáin 0-05
Uíbh Fhailí – Craobh Shinsir Peile
Éadan Doire 2-16 Na Seamróga 0-11
An Féar Bán 4-15 Breacánach 1-13
Clóirtheach 3-10 Ceapach an Churraigh 1-15
Ród 1-14 An Tulach Mhór 0-08
An Dún – Craobh Shinsir Peile
Droichead Mhaigh Eo 1-13 Cumann Sheáin Uí Mháirtín, An Gleann 1-11
